biografía

O Grupo

Percorrido

Os d’Abaixo apareceron no ano 2010 co obxectivo de promover e animar bailes e festas tradicionais na contorna de Compostela. O seu repertorio recolle algunhas das pezas populares máis coñecidas da música galega xunto con novas achegas de fontes tradicionais ou de nova composición.

O que pretenden é ofrecer unha escolma de música cargada de forza e enerxía que leve ao baile e á foliada ao xeito de antes. Son un gupo no que se atopa xente que toca por afección e leva toda a vida vencellada ao folclore galego,m xunto a músicos profesionais de gran traxectoria en bandas como Berrogüetto ou Fía na Roca.

Os d’Abaixo teñen tocado en diversas festas e festivais de Galiza e tamén fóra dela, en lugares como o Festival de Músicas do Mundo, (maio 2012, Etxarri-Aranaz-Navarra), o festival Le Grand Bal de l’Europe (xullo 2012, Gennetines-Francia), o Festival Intercéltico de Lorient (agosto 2013, Lorient-Bretaña), e o Calan Mai, a festa da primavera celta (maio de 2014, Cardiff-Gales).

Na primavera de 2014 edítase o primeiro disco do grupo “Ao vivo en Lorient”, que recolle 16 pezas gravadas nos concertos feitos en 2013 neste festival bretón. Nesta primavera de 2017 sae á luz o seu segundo disco “Quixera ser dos paxaros”, o primeiro gravado en estudio e no que se recollen unha maioría de temas inéditos para o folc galego, resultado dun gran traballo de investigación por parte de Xosé Ramón Vázquez, acordeonista do grupo.

imaxes

videos

discografía

 2017             Quixera ser dos paxaros

Gravado no estudio SonNatural (Angueira de Castro – Rois) en febreiro do 2017
 
Técnico de son: Xabier Olite
Asistente: Leando Casquero
Mesturas: Xabier Olite e Xosé Ramón Vázquez
Masterización: Xabier Olite
Fotografías: Antía Ameixeiras
Deseño gráfico: Nébeda Piñeiro
Idea gráfica: Os d’Abaixo
Limiar: Eduard Velasco
2014                        Ao vivo en Lorient
 
Gravado ao vivo na carpa de Galiza no Festival Interceltique de Lorient (Bretaña) os días 9 e 10 de agosto de 2013, agás a peza Non cho creo PP, gravada en SonNatural (Angueira de Castro – Rois) en outubro de 2013.
 
Técnico de son ao vivo: David Rodríguez
Técnico de SonNatural: Xabier Olite
Mesturado e masterizado por Xabier Olite e Xosé Ramón Vázquez en SonNatural
Fotos: Gwenaëlle Deniau (Lorient) e Juan Luis Rúa (Praza da Quintana)
Deseño gráfico: G. Vilas
Idea gráfica: Quim Farinha

axenda

En breve máis concertos

contacto

contratación

contacta con nós

Luneda Producións

lunedaproducions@gmail.com | +34 646 165 044